Кој е проблемот за вметнување на Бугарите во уставот?

443 коментари / By Patriotot / јануари 29, 2023 јануари 29, 2023

Кој е проблемот за вметнување на Бугарите во уставот?

Во изминатиот период ескалираше ситуацијата помеѓу Македонија и Бугарија. Контроверзниот напад врз Пендиков, секретарот на бугарскиот клуб „Цар Борис Трети“ во Охрид, беше вовед во веројатно однапред испланираното ново вето на Бугарија. На храбрите бранители на „бугарштината“ во Македонија има требаше еден ден за да се претворат во преплашени и угнетени барачи на правда, покажувајќи го нивното вистинско лице. Со доаѓањето на нов бран ултиматуми кон македонската држава, да се потсетиме кои беа главните барања на бугарската страна во овој конфликт.

Имено, Бугарија сака ново отворање на Уставот на Република Македонија. Во преамбулата на моменталниот Устав стои: „Граѓаните на Република Северна Македонија, македонскиот народ, дел од албанскиот народ, турскиот народ, влашкиот народ, српскиот народ, ромскиот народ, бошњачкиот народ и другите…“. Планирано е да се додадат и други заедници, како што е црногорската, хрватската, израелската итн. Но ни ова ново капитулантско отворање на Уставот нема да ги задоволи шовинистичките услови на Бугарија. Она што го прави барањето на Бугарите уште понебулозно е тоа што тие сакаат да бидат дел од нормативниот дел на Уставот.

Бугарската нација и нејзиното маргинално малцинство од околу 3500 според последниот попис сака да стане конститутивен народ на Република Македонија. Со тоа малцинството би било на исто рамниште со македонскиот народ. Ова е само прв чекор во остварување на големобугарската идеја која се стреми да внесе бугарски карактер во целата историја на македонската нација. Во најмала рака се бара нејзино внесување во нормативниот дел кое може да се оствари на неколку начини. Првиот е да се исфорсира внесување на бугарскиот јазик во преку Член 7 во кој стои дека: „Друг јазик што го зборуваат најмалку 20% од граѓаните, исто така, е службен јазик“. Тука бугарската страна ќе проба да ги претстави издадените бугарски пасоши како доказ за постоењето на значително бугарско население во Македонија, барем во општините каде тие би обезбедиле малцинство од 20%.

Другата слаба точка која се создаде со многубројното отворање на Уставот е Член 49. „Републиката се грижи за дијаспората на македонскиот народ и за дел од албанскиот народ, турскиот народ, влашкиот народ, српскиот народ, ромскиот народ, бошњачкиот народ и другите и ги негува и унапредува врските со татковината.“ Тука е оставен простор кој Бугарите ќе сакаат да го искористат и да се израмнат со далеку поголемите малцинства на другите споменати народи. Во секоја нормална држава не би ни станало збор за вакви промени, но предавничките македонски власти во повеќе наврати имаат покажано дека интересите на Македонците не се им од никакво значење.